Leitum að starfsfólki

Fréttir 01.03.2022

Hefur þú brennandi áhuga á garðyrkju eða ert laghentur með reynslu af viðgerðum? Við erum að leita að starfsfólki til að slást í hópinn hjá okkur. Um er að ræða tvö störf, eitt í garðyrkjudeildinni og hitt í viðgerðum véla og tækja. 

Starf í garðyrkjudeild

Um er að ræða fjölbreytt og skemmtilegt starf í góðum hópi garðyrkjusérfræðinga. Starfið felst í:

  • afgreiðslu á garðyrkjuvörum og plöntum í verslun okkar
  • umönnun plantna
  • vökvun, umhirða og vinna á útisvæði okkar
  • þjónusta og ráðgjöf til viðskiptavina

Viðkomandi þarf að hafa:

  • reynslu og/eða áhuga af garðyrkju og plöntum
  • ríka þjónustulund
  • vera hörkuduglegur/hraustur
  • geta unnið sjálfstætt
  • íslenskukunnátta skilyrði.

Vinnutími er 10-18, 3-4 virka daga og einn dagur aðra hvora helgi.

Starf í véladeild 

Véladeild Garðheima selur ýmis tæki tengd garðyrkju. Við óskum eftir laghentum starfsmanni í véladeild Garðheima í fullt starf.

Starfið felst í:

  • viðgerðum véla og tækja á þjónustuverkstæði okkar
  • afgreiðsla varahluta og tækja
  • þjónusta og ráðgjöf til viðskiptavina

Nauðsynlegt er að viðkomandi hafi:

  • þekkingu, reynslu og færni í viðgerðum
  • stundvísi, samviskusemi og geti unnið sjálfstætt
  • íslenskukunnáttu
  • góða samskiptafærni

Vinnutími er 8-16 virka daga

Áhugasamir eru hvattir til að fylla út umsókn hér: https://www.gardheimar.is/is/um-okkur/laus-storf

Aðventukvöld 18. nóv
Aðventukvöld 18. nóv
Verið velkomin á aðventukvöld Garðheima fimmtudaginn 18. nóvember. Þá ætlum við að eiga notalega stund að undirbúa komu aðventunnar. Milli kl 17 og 19 verða blómaskreytar Garðheima með sýnikennslu í gerð aðventu og hurðakransa og hægt að sjá fjölda fallegra hugmynda af aðventuskreytingum. Þá verður í boði gómsætt smakkt, góð ráð og frábærir afslættir. Að sjálfsögðu verður sóttvarnarreglum fylgt í hvarvetna og gestir beðnir um að fylgja 1 metra fjarlægðarreglunni. 
Lesa meira
Forleikur að jólum 3 & 4 nóvember 2021
Forleikur að jólum 3 & 4 nóvember 2021
Dagana 3 og 4 nóvember ætlum við í Garðheimum að halda forleik að jólum. Þá verður verslunin okkar komin í sinn sparilegasta búning og fullt af skemmtilegum hugmyndum af skreytingum og jólagjöfum í hverju horni. Fjöldi samstarfsaðila ætla að vera með okkur milli kl 16 og 19 með áhugaverðar kynningar og gómsætt smakk til að koma okkur í jólagírinn. Íslensku hönnuðurnir frá Vorhús, Ihanna, Hekla Íslandi, Fabia, Sanö og Tinna Magg verða á svæðinu að kynna vörur sínar og nýjar línur. Blómaskreytar Garðheima verða með sýnikennslur í kransagerð, innpökkunum og ljósaskreytingum og strákarnir í véladeildinni tilbúnir með ráðleggingar varðandi ljósaseríu uppsetningu. Þá verða einstakir afslættir og tilboð í hverju horni og hægt að gera frábær kaup fyrir jólaundirbúninginn. Lukkupotturinn sívinsæli verður einnig á sínum stað og hægt að vinna fullt af frábærum vinningum.
Lesa meira