Origanum vulgare

Harðgerð og dugleg jurt sem er vinsæl í matarðgerð. Oregano er fjölær og getur orðið 20-60 cm há. Hún þarf frekar sólríkan stað og góða vökvun, nauðsynlegt er að hafa gott frárennsli í pottinum. Klippið efsta hluta plöntunnar til notkunnar og aðeins fáa sprota í einu. Má nota ferska, þurrkaða eða frysta.

Sáning:

• Sáðtími: Forræktun hefst inni frá janúar
• Gróðursetning úti: Júní
• Fjöldi fræja: Fjöldi fræja fer eftir stærð fræja og stærð potta. Þumalputtaregla fyrir c.a. 12 cm pott er að nota 3-5 fræ í hvern pott (t.d. kóriander sem hefur stór fræ), en ef fræin eru mjög lítil þá 10-15 fræ í hvern pott (t.d. timian, oregano ofl sem hafa lítil fræ). Fræ sem eru mjög lítil er best að láta liggja ofaná moldinni.
• Hitastig: Venjulegur stofuhiti er ákjósanlegur fyrir nánast allar kryddjurtir. Varist of mikinn hita þegar spírurnar eru litlar, þá geta stilkarnir orðið þunnir og ræfilslegir.