Karfan er tóm
Nordmannsþinur
Nordmannsþinur
Nordmannsþinurinn er algengasta jólatré íslenskra heimila. Það er barrheldið, fagurgrænt og stendur vel, svo lengi sem það er vökvað vel.
Nordmannsþinurinn okkar er ræktaður af alúð í dönskum jólatráaskógi.
*Sérvöldu jólatrén eru einstaklega falleg tré sem eiga að standast ströngustu fegurðarkröfur.
Heimkeyrsla á höfðuborgarsvæðinu:
- Tré undir 3m eru keyrð heim næsta virka dag, kostnaður: 3.900 kr.
- Tré hærri en 3m eru keyrð heim næsta virka dag með sendibíl og greitt við afhendingu trésins samkvæmt gjaldskrá sendibílastöðvarinnar.
- ATH síðasti útkeyrsludagur fyrir jól er 22. des
Leiðbeiningar varðandi lifandi jólatré innandyra:
- Mikilvægast er að tréið þorni ekki.
- Gott er að taka það inn láta það þiðna (ef það stóð úti í frosti). Jafnvel setja það í sturtuna og skola af því.
- Þegar það hefur náð herbergishita getur verið gott að skera af 2 cm neðst. (hægt að biðja starfsmenn Garðheima um að gera það þegar tréð er keypt)
- Gott er að vökva með heitu vatni í fyrstu vökvun og síðan með köldu (þó ekki ísköldu).
- Tréð þarf að standa í vatni og getur drukkið mikið hvern dag. Drykkjarþörf fer eftir stærð trésins, tegund og hitastigi í stofu, en gott er að fylla á tréð daglega.
Garðheimar mæla stærð jólatrjáa skv. viðurkenndri aðferð í Evrópu. Grein úr efsta kransi er lögð að stofni trésins og toppur þeirrar greinar telst efsti punktur. Þá eru oft eftir um 20 cm alla leið upp í topp trésins. Margir íslenskir söluaðilar mæla alla leið upp að topp trésins sem skekkir samanburð.
Hvaða jólatré skal velja?
Nordmannsþinur
Nordmannsþinur er hið sígilda jólatré til margra áratuga og sú tegund sem flestir velja. Hann hefur fagurgrænan lit á mjúkum nálunum, er barrheldinn og getur verið mjög þéttur. Þessi tegund er ekki ræktuð á Íslandi og því flutt inn til landsins fyrir hver jól frá reyndum jólatrésbónda í Danmörku.
Rauðgreni
Rauðgreni er sú tegund sem lengst hefur verið notuð sem jólatré hér á landi. Með réttri meðhöndlun er það frekar barrheldið og þannig hægt að halda ferskgrænum nálunum betur á trénu. Ilmurinn er mjög góður og oft hefur rauðgreni þetta ‘ekta’ jólatréslega vaxtarlag, píramídlaga og þétt. Auk þess er það frekar nett og því ekki mjög plássfrekt.
Stafafura
Stafafuran er einstaklega falleg sem jólatré og ilmurinn sérstaklega góður. Hún er að koma sífellt sterkari inn sem jólatré fyrir þá sem kjósa örlítið annað vaxtarlag en hið sígilda píramídalaga tré. Stafafuran er einnig barrheldinn og heldur fagurgrænum nálunum vel fram yfir áramót.